જિંદગીને સમજવામાં ગળથૂંથીનું કામ કરતા: તેજ લિસોટા

તેજ લિસોટા

ડો. જગદીપ એમ. કાકડિયા

IMG_20171101_204007

અમારા લાડીલા વાચનવીર, સીત્તેરી વટાવી ચૂકેલા એવા ઉકાબાપાએ ફોન કર્યો. હું ટાવરચોકે ગયો અને તે ભાવનગરથી હમણાં ઉતર્યા હતા અને આંબાવડ જવા રવાના થતા હતા તેની વચ્ચે મને જગદીપભાઈની ઓળખાણ આપી અને તેના પુસ્તકની ઓળખાણ આપી. આમ તો ઉકાબાપાના ખંભે રહેતો થેલો અમારા માટે કંઈને કંઈ નવું લઈ આવે. આ વખતે તેજ લિસોટા આપી. જો કે એ પહેલા ચીની બેટી આપેલી તેનાથી અવગત હતો. હવે તેજ લિસોટા મને ઘણી ગમી તેના વિશે આજે વાત કરીએ.

અક્ષરદીપ આંખની હોસ્પિટલ ધરાવતા જગદીપભાઈ ડોક્ટર છે. હૃદયે સર્જક છે, મને કલ્પનાશીલ છે અને મગજે વિદ્વાન છે. તેમની યશદાયી કૃતિ તો મોંઘો માનુષ્ય અવતાર હજુ મેં વાંચી નથી. ત્યારબાદ ચીની બેટી એ ત્રીજું પુસ્તક છે. છેલ્લે વાત થઈ ત્યારે મેં જગદીપ સાહેબને કહેલું કે હું આપને મળવા આવીશ ત્યારે તેમણે કહેલું કે તમે આવશો ત્યાં સુધીમાં ચોથી બુક પણ આવી જશે.

તેજ લીસોટામાં અધ્યાત્મકના, ચમત્કારના, ધર્મના, પ્રેમના, સત્યના, સંસ્કારના, દેશભક્તિના એવા લીસોટા છે કે આપણને પણ આંજી દે અને આપણે અંજાવું જ રહ્યું. આ પુસ્તકના કેટલાક કિસ્સાઓ બાળકના સંસ્કાર ઘડતરની બહુ મોટી મૂડી આપણને આપી જાય છે.

મને હંમેશા એવા જ લેખકોનું વાંચવું ગમે જે મોટી મોટી વાતો લખતા હોય તો પાછા તેવું જીવતા પણ હોવા જોઈએ, જગદીપભાઈ એવા જ એક લેખક છે.

તેજલીસોટા-1 પ્રકરણમાં પ્રમુખ સ્વામીજીને પ્રથમવાર મળ્યાનો પ્રસંગ છે.

તેજલિસોટા-2માં તેના પિતાએ કરાવેલા આકાશદર્શનની વાતો છે.

તપતા સૂર્યનો દેશ – આ પ્રકરણ ખરેખર ઉમદા છે. દેશની જાહેર સંપત્તિને નુક્સાન પહોંચાડવું તે ખરેખર ગુનો છે તેનો પદાર્થપાઠ છે આ. તેમાં બાળલેખક બાળસહજ રીતે એસ.ટી.બસની સીટનું ડન્ડલોપ કાઢી લે છે અને પછી તેનું પ્રાયશ્ચિત તેના પિતા કઈ રીતે કરાવે તેનું વર્ણન છે ત્યારે કહેવત સાચી ઠરે કે કુવામાં હોય તો હવેડામાં આવે અને મોરના ઈંડા ચિતરવા ન પડે.

ઉપરનું પ્રકણ વાંચો એટલે એના પછીનું પ્રકરણ ફ્રી લંચ… લેખકે સૈનિકોને શા માટે ફ્રી લંચ અપાવ્યું તેના સંસ્કાર ઝીલાતા દેખાશે.

વોક એન એકસ્ટ્રા માઈલ ખરેખર મોટિવેશનલ સ્ટોરી છે. આપણે આપણા જીવનમાં ધ્યેયપ્રાપ્તિ કે વધુ કંઈક પ્રાપ્ત કરવા કંઈક વધુ આપવું પણ જોઈએ.

પ્રાણમાં પ્રાણ ફૂંકાયો એ પ્રકણ પ્રમુખ સ્વામી પરની શ્રદ્ધા ચમત્કારમાં કઈ રીતે પરિણમે છે તેની આપણને પણ પ્રતિતિ કરાવે છે. ઉર્દુમાં કહેવાયું છે કે ફાનુસ બનકર જીનકી હિફાઝત વો કરે વો શમ્મા કૈસે બુઝે જીસે રોશન ખુદા કરે. આમ એક દર્દીના પ્રાણ ઓપરેશન થિયેટરમાં જતા જતા પાછા આવ્યા તેમાં ઈશ્વર સીધો નથી આવતો પણ ફકિરો, ફરિશ્તાઓ, સાધુ, સંન્યાસીઓ, સંતો એવા વ્યક્તિઓ છે જે આપણને હંમેશા હિફાઝતમાં રાખે છે.

અહીં પાસવર્ડ, સેન્ડવિચ, પેલેટ ગન, Rx, ફોરસેપ્સ, નોસ્ટાલ્જિયા, માઈક્રો ફિક્શન સ્ટોરીઝ, સાત સામેલિયા થવું, વગેરેનો ઈતિહાસ પણ કથા રૂપે કહેવાયો છે જેથી આપણને ઘણું જાણવા મળે છે. તો વળી સ્વનામ ધન્ય જેવા પ્રકરણો તો શિક્ષકને પણ ભણાવવાની પદ્ધતિ શીખવી જાય છે.

એમાંય કાર ફૂલ્લ સ્પીડમાં ચલાવોને… એ પ્રકરણ તો મા-બાપોએ ખાસ વાંચવું જોઈએ હું એના વીશે કંઈ નહીં કહું કારણ કે એ તમે વાંચશો તો જ સમજાશે. જેના સંતાનો ધો.10-12માં છે કે હવે ધો. 10-12માં આવશે એવોએ આ પ્રકરણ ખાસ વાંચવું. જે માતા-પિતા બાળકને ગુજરાતી કે અંગ્રેજી માધ્યમમાં ભણાવવા માટે વિચારતા હોય એવો એ પણ આ વાંચવું. અને જે મા-બાપ તેના સંતાનના ભણતર માટે પોતે પણ ચિંતા કરતા હોય અને સંતાનોને પણ સ્ટ્રેશમાં રાખતા હોય એવોએ પણ ખાસ વાંચવું.

કડવી ગોળી, આંતરડી કકળાવો મા…, સરસ્વતી વંદના, બિંદુમાં સિંધુ, એક બૂટ, અને પ્રમુખ સ્વામીની વાતો… આ બધા પ્રકરણો લેખકના અંગત જીવનમાં મળી જતા સ્વજનો અને સજ્જનો જેવા લોકોમાંથી જીવનનો પદાર્થપાઠ જે એમને મળ્યો છે તે આ પ્રકરણો થકી આપણને પણ મળે છે.

તમારા સંતાનોમાં સંસ્કારનો વારસો મુકવા માંગતા હો તો બીજા ઘણાં પુસ્તકો સાથે આ પુસ્તકોનું નામ પણ હું યાદીમાં મૂકવા કહીશ. આવા પુસ્તકો જિંદગીને સમજવામાં ગળથૂંથીનું કામ કરતા હોય છે.

About aKshArAnANd

સામાય ધસી જઈએ, આઘાય ખસી જઈએ... હોવું ય હવે ઉત્સવ આકંઠ શ્વસી લઈએ....રેતાળ કીનારા પર હેતાળ હસી લઈએ..... મૃત્યુ, જીવન, ઉત્સવ, પ્રેમ, કોમ્પ્યુટર, દોસ્તી પુસ્તક આ બધાને મળવા માટે ધરતી પર ફરવાનું બહાનું મળે તો તે ખરેખર લિજ્જતની વાત છે.....
This entry was posted in આંખના ઈશારે..... Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s